OKB-ja ka bërë thirrje për ndalimin e menjëhershëm të armiqësive në Libi pas një dite përleshjesh vdekjeprurëse midis fraksioneve politike në kryeqytetin Tripoli. Të paktën 23 persona u vranë dhe dhjetëra të tjerë u plagosën gjatë luftimeve, tha ministria e shëndetësisë në Tripoli.
Në mesin e të vdekurve ishte edhe komediani i ri Mustafa Baraka, tha një zyrtar. Libia ka qenë në kaos që nga kryengritja e mbështetur nga NATO në vitin 2011, që rrëzoi sundimtarin prej kohësh kolonel Muammar Gaddafi.
Pavarësisht kësaj, vendi kishte kaluar një periudhë relativisht të qetë gjatë dy viteve të fundit. Të shtunën, forcat e armatosura të qeverisë së njohur ndërkombëtarisht u përpoqën të zmbrapsnin një kolonë milicie besnike ndaj Fathi Bashagha, njeriu të cilin një parlament rival lindor e njeh si kryeministër.
Raportohet për të shtëna me armë të lehta dhe shpërthime në disa zona të kryeqytetit. Shërbimet e urgjencës thanë se një numër spitalesh ishin goditur, ndërsa njerëzit u evakuuan gjithashtu nga zonat përreth luftimeve. Misioni i OKB-së në Libi tha se luftimet kishin përfshirë çdo zonë pa bërë dallim mes atyre me civilë.
SI.E./ReportTv.alKomente
Mos valle dhe me ukrahinen e njejta gje mund te ndodhe?? Jo meqe amerike nato "clirojne" popujt nga tirania dhe u sjellin " demokracine"....
Përgjigju